MirrorORG Speed

التثبيت والتفعيل وأول تجربة

1. خذ نسخة احتياطية من الملفات وقاعدة البيانات. الإضافة بتكتب ملفات نظام (advanced-cache.php وسطر WP_CACHE في wp-config.php وبلوك في .htaccess)، والنسخة الاحتياطية هي أمانك لو السيرفر عنده صلاحيات غريبة.
2. لو فيه إضافة كاش أو تحسين تانية شغّالة (LiteSpeed Cache، WP Rocket، W3 Total Cache، Autoptimize، WP Fastest Cache…) عطّلها الأول. إضافتين كاش مع بعض بيدّوا صفحات قديمة أو مكسورة.
3. من ووردبريس افتح «الإضافات ← أضف إضافة جديدة ← رفع إضافة»، اختار ملف ZIP وثبّت وفعّل.
4. افتح «ميرور سبيد ← التفعيل والتحديثات» وحط كود الترخيص. لوحة التحكم وكل الموديولات مقفولة لحد ما الكود يتفعّل.
5. من «لوحة التحكم» اختار باقة (ابدأ بـ«🟡 متوازن») — الإضافة بتبدأ في وضع التجربة، يعني التحسينات بتظهر لك انت بس.
6. تصفّح الموقع وانت مسجّل دخول كمدير: الصفحة الرئيسية، صفحة مقال، صفحة منتج، السلة والدفع، الموبايل. لو كله تمام اقفل وضع التجربة.

المتطلبات: WordPress 5.8 وPHP 7.4 أو أحدث، ومكتبة OpenSSL. التحويل لـWebP/AVIF محتاج Imagick أو GD على السيرفر؛ لو مش متاحة الموديول بيقولك بدل ما يفشل في صمت.

وضع التجربة ومعاينة النسخة المحسّنة

وضع التجربة شغّال افتراضيًا، وده معناه إن الزوّار مابيشوفوش أي تغيير خالص: التحسينات بتتطبّق على المديرين بس، وقواعد .htaccess (كاش المتصفح والضغط) مابتتكتبش، وتخفيف ووردبريس وووكومرس ومدير الملفات ولودر الإضافات والتنضيف التلقائي كلهم مابيلمسوش الزوّار.

• تشوف الصفحة من غير أي تحسين: ضيف ?mspeed=off لآخر الرابط وانت مسجّل دخول كمدير — مفيد تقارن وتعرف المشكلة من الإضافة ولا لأ.
• قياس PageSpeed قبل/بعد وانت لسه في التجربة: صفحة «الفحص والتقارير» بتعمل رابط معاينة موقّع يفتح النسخة المحسّنة لطلب واحد من غير تسجيل دخول، فجوجل يقدر يقيسها.
• «حسّن الصفحات للمستخدمين المسجّلين» مقفولة افتراضيًا: الأعضاء المسجّلين بياخدوا الصفحة الأصلية (مهم للمتاجر ومواقع العضويات).
• «روابط ماتتلمسش خالص»: رابط في كل سطر (يدعم * كـwildcard) — الصفحات دي بتفضل زي ما هي تمامًا.

لما تقفل وضع التجربة، كل الإعدادات المحفوظة بتشتغل للزوّار فورًا والكاش بيتمسح.

الباقات الجاهزة: آمن / متوازن / أقصى سرعة

كل باقة بتغيّر الأوبشنز المذكورة فيها بس، وتقدر بعدها تعدّل أي أوبشن لوحده. أي تطبيق باقة بيتسجّل في «سجل الإعدادات» وتقدر ترجع فيه بضغطة.

• 🟢 آمن: كاش الصفحات والتحميل المسبق، كاش المتصفح، ضغط CSS وJS، دمج Google Fonts وfont-display: swap، تحميل كسول للصور والإطارات، أولوية لصورة LCP، قفل الإيموجي وwp-embed، تنضيف الـhead، قفل نبض ووردبريس في واجهة الموقع، ١٠ مراجعات للمقال، وتحديث سلة ووكومرس «الذكي».
• 🟡 متوازن (موصى بيه): الآمن + defer للسكربتات، تأخير تاج مانجر والبيكسلات والشات لحد أول تفاعل، استضافة الخطوط محليًا، تحميل كسول لصور الخلفية، واجهة يوتيوب خفيفة، صور WebP، preconnect تلقائي، تجهيز الروابط عند المرور عليها، قفل Dashicons للزوّار، وتنضيف أسبوعي لقاعدة البيانات.
• 🔴 أقصى سرعة: المتوازن + حذف الـCSS غير المستخدم، تأخير كل السكربتات لحد التفاعل، ضغط HTML، شيل jQuery Migrate، وتجهيز الصفحات مسبقًا (prerender). دي أقوى باقة وأكتر واحدة ممكن تكسر قالب أو إضافة — جرّبها في وضع التجربة الأول دايمًا.

كاش الصفحات والتحميل المسبق والمسح

• محرّك الكاش «تلقائي»: لو السيرفر LiteSpeed (زي هوستنجر) الإضافة بتستخدم كاش LiteSpeed من ذاكرة السيرفر — أسرع من أي كاش ملفات. غير كده بتستخدم كاش ملفات عن طريق advanced-cache.php.
• عمر الصفحة: ١٠ ساعات افتراضيًا. «نسخة منفصلة للموبايل» فعّلها بس لو قالبك بيطلّع HTML مختلف للموبايل (مش مجرد CSS متجاوب).
• الباراميترات: utm_* وfbclid وgclid وأمثالها بتتجاهل، فالزائر اللي جاي من إعلان بياخد نفس الكاش. الروابط اللي فيها باراميترات تانية مابتتكيّشش إلا لو فعّلت الأوبشن.
• استثناءات: روابط، كوكيز، وأنواع متصفحات/بوتات ماتاخدش كاش. صفحات السلة والدفع وحسابي في ووكومرس والمستخدمين المسجّلين مستثنيين تلقائيًا.
• المسح الذكي: لما مقال أو منتج يتعدّل بيتمسح هو والصفحات المرتبطة بيه بس (الرئيسية، التصنيفات، الأرشيف…). الكاش كله بيتمسح لما تغيّر القالب أو الإضافات أو المخصّص أو القوائم أو الودجات (قابل للتعديل).
• التحميل المسبق: بيقرا خريطة الموقع (Yoast أو AIOSEO أو RankMath أو خريطة ووردبريس — بيلاقيها لوحده لو سبت الخانة فاضية) ويزور الصفحات بمعدّل ١٠ في الدقيقة لحد ٥٠٠ صفحة، عشان أول زائر مايستناش بناء الصفحة.
• كاش المتصفح والضغط: بلوك في .htaccess لكاش الملفات الثابتة وضغط Gzip/Brotli — بيتكتب بس لما وضع التجربة يتقفل.

تقدر تمسح الكاش من شريط الأدوات فوق (للصفحة الحالية أو الموقع كله)، أو من wp mspeed purge.

CSS وJS: الضغط والدمج وdefer وحذف غير المستخدم

• ضغط HTML وCSS وJS: آمن على أغلب المواقع. الملفات المضغوطة بتتخزّن في wp-content/cache/mirrororg-speed وبتتجدّد لوحدها لما الأصل يتغيّر.
• دمج CSS: مفيد على HTTP/1 بس؛ على HTTP/2 (أغلب الاستضافات الحديثة) غالبًا مالوش لازمة.
• تحميل CSS من غير ما يعطّل الرسم: بيخلّي ملفات CSS تتحمّل بالتوازي. ممكن يسبّب «وميض» لحظي للصفحة من غير تنسيق — استخدمه مع حذف غير المستخدم.
• حذف الـCSS غير المستخدم: لكل صفحة، الإضافة بتحسب الكلاسات المستخدمة فعلًا وتحط CSS صغير جوّه الصفحة، والملفات الكاملة بتتحمّل بعد أول تفاعل (أو بعد التحميل، حسب اختيارك). قايمة «كلاسات تتحفظ دايمًا» فيها الكلاسات اللي الجافاسكربت بيضيفها بعدين (القوائم، السلايدرات، النوافذ…)؛ لو حاجة ظهرت من غير تنسيق بعد ما تدوس عليها ضيف الكلاس بتاعها هناك.
• defer: السكربتات بتتحمّل من غير ما توقّف الرسم، والترتيب بينها محفوظ. «أجّل jQuery كمان» ممكن يكسر سكربتات مكتوبة جوّه الصفحة بتعتمد عليه — لو لقيت خطأ «jQuery is not defined» في الكونسول اقفلها.
• استثناءات: «ملفات CSS ماتتلمسش» و«سكربتات ماتتأجّلش» — جزء من اسم الملف أو الرابط في كل سطر.

تأجيل تاج مانجر والبيكسلات والشات

السكربتات دي من أكبر أسباب البطء في PageSpeed، ومش محتاجة تشتغل قبل ما الزائر يتحرّك. مع «تأخير JS لحد أول تفاعل» بتتحمّل مع أول حركة ماوس أو لمسة أو سكرول أو ضغطة زرار.

• «إيه اللي يتأخّر» = الخدمات المختارة: جوجل تاج مانجر، gtag/تحليلات جوجل، بيكسل فيسبوك، تيك توك، سناب، تويتر/X، لينكدإن، بنترست، Microsoft Clarity، Hotjar، Yandex، ودردشات Tawk وCrisp وIntercom وZendesk وLiveChat وTidio، وOneSignal وShareThis — دول المختارين افتراضيًا. ومتاح كمان تختار AdSense وreCAPTCHA وأزرار واتساب وYouTube IFrame API وMailchimp. شيل أي خدمة مش عاوز تأخّرها.
• «كل السكربتات»: أقوى بكتير وأخطر — السلايدرات والقوائم ممكن ماتشتغلش لحد أول حركة. استخدم «مستثنى من التأخير» للي لازم يشتغل فورًا.
• مهلة التحليلات (٦ ثواني افتراضيًا): لو الزائر ماعملش أي حاجة، سكربتات التحليلات بتتحمّل بعد المهلة دي برضه، فالزيارة بتتحسب ومابتضيعش من تقاريرك.
• الضغطة مابتضيعش: لو الزائر داس على زرار قبل ما السكربتات تخلص تحميل، الضغطة بتتعاد بعد التحميل.
• استضافة gtag.js على موقعك: بيوفّر اتصال بدومين خارجي. النسخة بتتجدّد كل يوم تلقائيًا.

بعد التفعيل افتح Tag Assistant أو «Events Manager» في فيسبوك واتأكد إن الأحداث بتوصل.

فاحص الخطوط ودمجها واستضافتها

صفحة «الخطوط» فيها فاحص بيزور ٤-٦ صفحات من موقعك (من غير تحسين) ويقرا كل خط بيتحمّل فعلًا: من القالب، من الإضافات، من Google Fonts، ومن @import المدفون جوّه ملفات CSS. الفحص بياخد ١٠-٣٠ ثانية.

• التقرير بيوريك كل عائلة خط وأوزانها وحجمها ومين حمّلها، ويطلّع توصيات: خط متحمّل ومش مستخدم، نفس الخط متحمّل من مصدرين، أوزان زيادة، خطوط أيقونات تقيلة… وكل توصية ليها زرار بيطبّقها.
• دمج Google Fonts: كل الطلبات بتبقى طلب واحد.
• استضافة محلية: الخطوط بتتنزّل لموقعك وبتتخدم منه — أسرع ومتوافق مع قوانين الخصوصية. «اللغات المطلوبة» بتحدّد الحروف اللي بتتنزّل (عربي + لاتيني افتراضيًا) فالملفات بتصغر.
• «الأوزان المسموحة لكل خط»: سطر لكل خط، مثال Cairo: 400,700 — أي وزن تاني بيتشال من الطلب.
• font-display: swap: النص بيظهر فورًا بخط بديل لحد ما الخط يوصل، بدل نص فاضي.
• خطوط تتحمّل مسبقًا: لخط العناوين الأساسي بس — preload لخطوط كتير بيبطّأ.
• خطوط تتشال / اقفل Google Fonts خالص: لو قالبك بيحمّل خطوط انت مش مستخدمها.

الصور والفيديو

• تحميل كسول للصور والإطارات (iframes) وصور الخلفية. «أول كام صورة ماتتأجّلش» (٣ افتراضيًا) عشان الصور اللي فوق الصفحة تظهر فورًا. «صور ماتتأجّلش»: كلاس أو جزء من الرابط (logo وno-lazy وskip-lazy موجودين افتراضيًا).
• أولوية لأول صورة كبيرة (LCP): بتاخد fetchpriority=high وpreload — من أكبر التحسينات في مؤشر LCP.
• العرض والارتفاع الناقصين: بيمنع الصفحة إنها «تنط» وهي بتتحمّل (CLS).
• واجهة يوتيوب خفيفة: صورة الفيديو بس لحد ما الزائر يدوس تشغيل، بدل ما مشغّل يوتيوب كله (~٥٠٠KB) يتحمّل مع الصفحة.
• WebP/AVIF: نسخة حديثة جنب كل صورة (photo.jpg.webp) — الأصل مابيتمسحش. الجودة ٨٠ افتراضيًا. الصور الجديدة بتتحوّل وقت الرفع، والمكتبة القديمة بتتحوّل على دفعات من زرار في صفحة «الصور والوسائط» أو من wp mspeed images. «اخدم الصيغة الحديثة» بيغيّر الروابط في الصفحات للمتصفحات اللي بتدعمها.
• أقصى عرض للصور المرفوعة: أي صورة أعرض من الرقم ده بتتصغّر وقت الرفع (٠ = إعداد ووردبريس الافتراضي ٢٥٦٠ بكسل).

التحميل المسبق والتنقّل الفوري

• preconnect تلقائي: الإضافة بتلاقي الدومينات الخارجية المهمة في الصفحة (خطوط، CDN…) وتفتح الاتصال بيها بدري.
• preconnect / DNS prefetch / preload يدوي: رابط في كل سطر.
• التنقّل الفوري: «prefetch» بيجهّز الصفحة لما الزائر يقف بالماوس على الرابط، و«prerender» بيبنيها كاملة في الخلفية (أسرع، بس بيستهلك من السيرفر أكتر). روابط تسجيل الخروج والسلة والدفع مستثناة تلقائيًا، وتقدر تضيف غيرها في «روابط ماتتجهّزش».

تخفيف ووردبريس وووكومرس

• ووردبريس: قفل الإيموجي، wp-embed، Dashicons للزوّار، jQuery Migrate، CSS محرّر المكوّنات (لو مش مستخدم مكوّنات جوتنبرج في الواجهة)، XML-RPC، الـpingbacks لنفس الموقع، خلاصات RSS، تنضيف الـhead، شيل ?ver=، ومقياس قوة كلمة السر في صفحات الحساب بس.
• المحرّر: أقصى عدد مراجعات لكل مقال (-1 = زي ووردبريس)، مدة الحفظ التلقائي، ونبض ووردبريس (Heartbeat): زي ما هو / مقفول في الواجهة بس / مقفول في الواجهة ومقلّل في اللوحة / في شاشة التحرير بس (بيحمي الحفظ التلقائي وقفل التعديل).
• ووكومرس: «تحديث السلة التلقائي» الذكي بيشغّل cart fragments بس لما فيه حاجة في السلة؛ «شيل ملفات ووكومرس من الصفحات اللي مش متجر»؛ و«خفّف لوحة ووكومرس».

قفل XML-RPC بيوقف تطبيق ووردبريس للموبايل وJetpack وبعض خدمات النشر — سيبه مفتوح لو بتستخدمهم. وقفل خلاصات RSS بيوقف أي خدمة بتقرا موقعك منها.

مدير الملفات وإيقاف الإضافات لكل رابط

• مدير الملفات: من شريط الأدوات وانت على أي صفحة، بتشوف كل ملف CSS وJS بيتحمّل فيها ومين حمّله، وتقفله في الصفحة دي بس، أو في كل صفحات نوع المحتوى ده، أو في الموقع كله. افتحه من «⚡ ملفات الصفحة» في الشريط العلوي.
• إيقاف إضافات كاملة لكل رابط: أقوى من قفل الملفات — الإضافة نفسها ماتتحمّلش في الروابط اللي تحدّدها (مثال: إضافة الفورم ماتتحمّلش غير في صفحة «تواصل معنا»). ده بيشتغل بملف في mu-plugins بيتحمّل قبل الإضافات، وعلى طلبات الواجهة بس: لوحة التحكم وAJAX وREST والكرون وتسجيل الدخول مابيتلمسوش أبدًا.
• طوارئ: لو قاعدة إيقاف كسرت صفحة، افتحها وانت مسجّل دخول مع ?mspeed_plugins=off — القواعد بتتوقف للطلب ده بس، وتقدر تصلّح القاعدة.

تنضيف قاعدة البيانات

صفحة «قاعدة البيانات» بتعدّ كل نوع قبل ما تنضّفه: المراجعات، المسودات التلقائية، المقالات والتعليقات في السلة، التعليقات السبام، الـtransients المنتهية، البيانات اليتيمة (postmeta وcommentmeta والعلاقات)، وسجلات Action Scheduler القديمة. تقدر تنضّف كل نوع لوحده أو كله مرة واحدة، وتعمل تحسين للجداول.

• تنضيف تلقائي: يومي / أسبوعي / شهري — للأنواع اللي تختارها.
• «احتفظ بآخر كام مراجعة»: التنضيف بيسيب آخر N مراجعة لكل مقال.

التنضيف بيمسح بيانات نهائيًا — خد نسخة احتياطية من قاعدة البيانات قبل أول تنضيف كبير.

CDN وكلاودفلير

• CDN: حط رابط الـCDN (مثال https://cdn.example.com) والإضافة بتغيّر روابط الملفات الثابتة في المجلدات المحدّدة (wp-content وwp-includes افتراضيًا). «مستثنى»: امتدادات أو مسارات ماتروحش للـCDN.
• كلاودفلير: لما تفعّل «امسح كاش كلاودفلير مع كاش الموقع»، أي مسح (كامل أو لصفحة) بيتبعت لكلاودفلير كمان. اعمل API Token من كلاودفلير (My Profile ← API Tokens ← Create) بصلاحية Zone.Cache Purge بس. Zone ID اختياري — بيتجاب لوحده من اسم الدومين. التوكن بيتخزّن مشفّر ومابيظهرش تاني.

المساعد الذكي (مرسال)

المساعد وكيل ذكاء اصطناعي بيقرا حالة موقعك بالأرقام — نتيجة PageSpeed، تقرير الخطوط، الفحص الصحي، قاعدة البيانات، والإعدادات الحالية — ويشرحلك المشكلة ويقترح الحل، وينفّذه جوّه الإضافة بعد موافقتك.

• مشمول في اشتراكك ومش محتاج مفتاح. الرسايل بتروح لسيرفر MirrorORG مع كود التفعيل بتاعك، والسيرفر بيتأكد إن الترخيص ساري والموقع مفعّل عليه، وبعدين يكلّم مرسال. مفيش أي مفتاح بيتخزّن على موقعك. لو الاشتراك انتهى أو الموقع اتشال من الترخيص، المساعد بيقف لوحده.
• حدود استخدام عادلة لكل ترخيص: حاليًا ٦٠ رسالة في الساعة و٣٠٠ في اليوم. لو وصلت للحد هتظهرلك رسالة واضحة والحد بيتجدّد لوحده.
• صلاحيات التنفيذ: «كل تغيير يستنى موافقتي» (موصى بيه) — أي تغيير بيظهر بزرار «نفّذ» ومابيحصلش غير لما تدوس. «التغييرات الآمنة تتنفّذ لوحدها» — مسح الكاش والفحص والتحميل المسبق بس. «قراءة ونصايح بس» — مابيغيّرش أي حاجة.
• أي تغيير من المساعد بيعدّي على «سجل الإعدادات» وتقدر ترجع فيه بضغطة. المساعد مابيقدرش يقرا أو يغيّر التوكنات والمفاتيح السرية (كلاودفلير وPageSpeed) ولا إعدادات المساعد نفسه.
• الرد بياخد عادة من ٥ لـ١٥ ثانية لأنه بيقرا بيانات موقعك الأول.

الفحص والتقارير

• PageSpeed: فحص موبايل وديسكتوب لأي صفحة، ومقارنة «قبل/بعد» بين النسخة الأصلية والمحسّنة — حتى وانت في وضع التجربة (عن طريق رابط المعاينة الموقّع). النتايج بتتحفظ عشان تشوف التطوّر.
• مفتاح PageSpeed API (اختياري): من غيره الفحص شغّال، بس جوجل بيحدّد عدد مرات قليل في اليوم للطلبات من غير مفتاح وممكن تلاقي رسالة «الحد انتهى». اعمل مفتاح من Google Cloud Console (PageSpeed Insights API).
• الفحص الصحي: بيراجع نسخة PHP، وOPcache، ونوع السيرفر (LiteSpeed)، وكاش الكائنات (Redis/Memcached)، وحجم الـautoload في قاعدة البيانات، وWP_DEBUG، وتأخّر المهام المجدولة، وعدد الإضافات الشغّالة، ونسخ المراجعة، وضغط الردود، وHTTPS، وملف advanced-cache.php، والإضافات اللي بتعمل نفس الشغل (WP Rocket، LiteSpeed Cache، W3 Total Cache، WP Super Cache، WP Fastest Cache، Autoptimize، Perfmatters، FlyingPress، SiteGround Optimizer…) ويقولك إيه اللي محتاج تصليح.

الأدوات: السجل والتصدير وسطر الأوامر

• سجل الإعدادات: كل حفظ (منك، من باقة، أو من المساعد) بيتسجّل، وتقدر ترجع لأي نسخة بضغطة.
• تصدير/استيراد: ملف JSON بكل الإعدادات لنقلها لموقع تاني. الأسرار (التوكنات والمفاتيح) مابتتصدّرش.
• سجل الأخطاء: أي خطأ حصل أثناء التحسين أو التحويل أو التحميل المسبق.
• WP-CLI: wp mspeed status · wp mspeed purge [--url=<url>] [--assets] · wp mspeed preload [--batch=<n>] · wp mspeed db-clean [--item=<item>] · wp mspeed fonts-scan · wp mspeed fonts-download · wp mspeed images [--batch=<n>] · wp mspeed test-mode <on|off>

حل المشاكل

• الموقع اتكسر أو شكله اتلخبط: افتح الصفحة مع ?mspeed=off (كمدير). لو رجعت سليمة يبقى السبب من التحسين. أسرع حل: «الأدوات ← سجل الإعدادات» وارجع لآخر نسخة كانت شغّالة، أو شغّل وضع التجربة (wp mspeed test-mode on) لحد ما تلاقي السبب. بعدين اقفل الأوبشنز واحدة واحدة بالترتيب ده: حذف CSS غير المستخدم ← تأخير كل السكربتات ← defer لـjQuery ← تحميل CSS غير المعطّل ← دمج CSS.
• قايمة أو سلايدر مابيشتغلش غير بعد ما أتحرّك: ده «تأخير JS»؛ ضيف اسم ملف السكربت في «مستثنى من التأخير» أو غيّر الوضع لـ«الخدمات المختارة».
• عنصر من غير تنسيق بعد ما أدوس عليه: ضيف الكلاس بتاعه في «كلاسات تتحفظ دايمًا» في حذف الـCSS غير المستخدم.
• التحليلات أو البيكسل وقفوا: اتأكد إن «مهلة التحليلات» مش ٠، وجرّب من Tag Assistant. لو بتستخدم الـGTM لحاجات لازم تشتغل فورًا شيل «gtm» من الخدمات المتأخّرة.
• تعديلاتي مش باينة للزوّار: امسح الكاش من شريط الأدوات، ولو عندك كلاودفلير فعّل ربطه أو امسح كاشه يدويًا.
• السلة أو الدفع فيهم مشكلة: صفحات ووكومرس دي مستثناة من الكاش تلقائيًا؛ لو المشكلة في الشكل، ضيف رابطها في «روابط ماتتلمسش خالص».
• قاعدة إيقاف إضافات كسرت صفحة: افتحها مع ?mspeed_plugins=off وصلّح القاعدة.
• المساعد بيقول «فعّل الإضافة الأول» أو «الموقع ده مش مفعّل بالكود ده»: راجع «التفعيل والتحديثات» — الموقع لازم يكون مفعّل على ترخيص ساري. لو نقلت الموقع لدومين جديد اعمل «فحص الآن» عشان يتسجّل تاني.
• الصفحة البيضاء بعد التفعيل: عطّل الإضافة من FTP بتغيير اسم مجلدها؛ ملفات النظام (advanced-cache.php وWP_CACHE و.htaccess ولودر الإضافات) بتتشال لما الإضافة تتعطّل من لوحة ووردبريس، فلو عطّلتها من FTP امسح wp-content/advanced-cache.php وملف wp-content/mu-plugins/mirrororg-speed-loader.php يدويًا لو لسه موجودين، وشيل سطر WP_CACHE اللي عليه تعليق MirrorORG Speed من wp-config.php.

اختبار بعد أي تغيير كبير

1. الرئيسية ومقال ومنتج على الموبايل والديسكتوب، وانت مش مسجّل دخول (نافذة خاصة).
2. إضافة للسلة ← السلة ← الدفع.
3. الفورمات (تواصل، تسجيل، دخول).
4. الكونسول في المتصفح من غير أخطاء حمرا.

التحديث والرجوع لإصدار سابق وإزالة الإضافة

• التحديثات بتظهر في «لوحة التحكم ← التحديثات» في ووردبريس زي أي إضافة، طول ما الترخيص ساري. الملف بيتحقّق من توقيعه وبصمته قبل التثبيت.
• بعد أي تحديث الكاش بيتمسح لوحده. راجع «اختبار بعد أي تغيير كبير» في قسم حل المشاكل.
• الرجوع لإصدار سابق: نزّل ملف الإصدار من حسابك في المتجر، وارفعه من «رفع إضافة» واختار «استبدال الحالي». إعداداتك بتفضل زي ما هي.
• التعطيل: بيشيل advanced-cache.php وسطر WP_CACHE وبلوك .htaccess ولودر الإضافات لوحده، والموقع بيرجع زي ما كان.
• الحذف النهائي: بيمسح كل إعدادات الإضافة ومجلد الكاش ومحادثات المساعد. نسخ WebP/AVIF اللي جنب الصور بتفضل (مابتضرّش — الصفحات مش بتشاور عليها بعد الحذف).
• الترخيص لموقع واحد؛ لنقله لموقع تاني اعمل «إلغاء التفعيل» من الموقع القديم الأول.

سجل الإصدارات

هذه التغييرات مأخوذة مباشرة من الإصدارات المنشورة على الـHub.